„ქრისტიან დემოკრატიული მოძრაობის" სამგორის მაჟორიტარობის კანდიდატი, მაგდა ანიკაშვილი სამგორის მოსახლეობას შეხვდა და მათ პრობლემებს ადგილზე გაეცნო.
მოსახლეობასთან შეხვედრისას, მაგდა ანიკაშვილმა პარტიის პრიორიტეტებზე ისაუბრა და ადგილობრივებს „ქრისტიან - დემოკრატების" წინასაარჩევნო პროგრამა გააცნო.
მისივე თქმით, სამგორის მოსახლეობა ძალიან მძიმე პირობებში ცხოვრობს, რადგან მათი უმეტესება დაუსაქმებელია და სახელმწიფო სამუშაო ადგილების შესაქმნელად არაფერს აკეთებს.
„სამგორის მოსახლეობას უამრავი პრობლემა აწუხებს, რადგან საშუალო ასაკის ადამიანები არიან დაუსაქმებელნი და შვილებისთვის განათლების ხელმისაწვდომი თანხა არ აქვთ. პენსიონერებს კი მედიკამენტებზე არ მიუწვდებათ ხელი და ამ ყველაფერთან ერთად, ყოველი თვის ბოლოს თითოეულ ოჯახს უსამართლოდ გაზრდილი კომუნალური გადასახადების გადახდა უწევს. ჩვენი მოსვლის შემთხვევაში, ყველა პრობლემა იქნება აღმოფხვრილი და შვილებს ექნებათ განათლება, მათ მშობლებს დასაქმება და პენსიონერებს დაფასება." - განაცხადა მაგდა ანიკაშვილმა
