"ქრისტიან-დემოკრატიული" მოძრაობის ქუთაისის მაჟორიტარობის კანდიდატი გიორგი ახვლედიანი გუმათის დასახლებაში მცხოვრებ დევნილებს შეხვდა. ახვლედიანმა ადგილზე მოისმინა მოსახლეობის პრობლემები და მათ პარტიის პრიორიტეტებზე ესაბრა.
ახვლედიანის განცხადებით, დევნილები უკვე 20 წელია, რაც გაუსაძლის მდგომარეობაში ცხოვრობენ. აღნიშულ დასახლებაში სულ 32 ოჯახი ცხოვრობს. 100-ზე მეტ დევნილს ამორტიზირებულ, ყოვლად გამოუსადეგარ სკოლა ინტერნატის ყოფილ შენობაში უწევს ცხორვება, რომელიც აღდგენასა და რეაბილიტაციას აღარ ექვემდებარება.
ახვლედიანის თქმით, უკვე წლებია, რაც დევნილები ხელისუფლებისგან სიტყვიერ დაპირებას იღებენ, რომ მათ დაასახლებენ უკეთეს ადგილას და მისცემენ საცხოვრებელ ფართებს, "მაგრამ პირობა პირობათ რჩება და დევნილებს კვლავ კატასტროფულად მძიმე საყოფაცხოვრებო პირობებში უწევთ ცხოვრება", აცხადებს ახველდიანი
"დევნილებს უკვე 20 წელია, რაც კატასტროფულ საყოფაცხოვრებო გარემოში უწევთ ცხოვრება ამ დასახლებაში არის საშინელი ანტისანიტარია შენობები, ფაქტობრივად, ამორტიზირებულია და არავითარ რეაბილიტაციას არ ექვემდებარება. მივმართავ მინისტრს რომ სასწრაფოდ მიაქციოს ყურადღება ამ ადამიანებს", - განაცხადა გიორგი ახვლედიანმა და დასძინა, რომ მომავალ პარლამენტში, როგორც კი მთავრობის წარმომადგენლები გამოცხადდებიან, იგი მინისტრთან ერთად ჩავა აღნიშნულ დასახლებაში და მათ შესთავაზებს კონკრეტულ გეგმას, რომელიც პრობლემების მოგვარებაზე იქნება ორიენტირებული. ვიმედოვნებ, რომ ახალი მინისტრი გაცილებით უფრო პასუხისმგებლობით მოეკიდება იძულებით გადაადგილებულ პირებს, ვიდრე წინამორბედი, და არ გაიზიარებს იმ ბედს, რაც გაიზიარა სუბელიანმა ქრისტიან-დემორკატების აქტიური ბრძოლის შედეგათ", - აცხადებს ახველდიანი