"თბილისობა" წელს 6-7 ოქტომბერს გაიმართება. ტრადიციად ქცეული "თბილისობის" დღესასწაული წელს 34-ედ გაიმართება.
სადღესასწაულო ღონისძიებები თბილისის ძველ უბანში და მისი მიმდებარე ტერიტორიებზე ჩატარდება. ტრადიციულად მეიდანზე დაიდგმება საწნახელი, აბანოთუბანში გაიმართება ფოლკლორული ანსამბლების კონცერტები, ხილისა და ჩაის ფესტივალები, ავტოშოუ, სხვადასხვა სპორტული ღონისძიებები, ახალგაზრდა პოეტების საღამო და ლიტერატურული კონკურსი "გალას" დაჯილდოვება.
საზეიმო ღონისძიებების ფარგლებში საპატიო თბილისელებს ქალაქის მერი დააჯილდოვებს, რომლის პარალელურადაც, ზ.წერეთლის თანამედროვე ხელოვნების გალერეაში ქართული სამკაულების ისტორიისადმი მიძღვნილი გამოფენა გაიმართება. ასევე, წარმოდგენილი იქნება საქართველოს ეროვნულის საგანძურის ექსპონატების სამგანზომილებიანი ფოტო გამოფენა. საზეიმო ღონისძიებები ევროპის მოედანზე გალა კონცერტით დასრულდება.
