ბლოკ „ბიძინა ივანიშვილი - ქართული ოცნებას" საარჩევნო ნომრად 41 მიენიჭა
ცესკოს განკარგულებით, ბლოკ "ქართულ ოცნებას" საარჩევნო ნომრად 41 მიენიჭა, - ამის შესახებ ჟურნალისტებს "ქართული ოცნების" წარმომადგენელმა ნინო გოგუაძემ განუცხადა , რომელიც ცესკოს სხდომაზე იმყოფებოდა.
მისი თქმით, ცენტრალურმა საარჩევნო კომისიამ მიიღო უკანონო გადაწყვეტილება და "ქართულ ოცნებას" საარჩევნო ნომერი 7 წაართვა და მიანიჭა ნომერი 41.
პარტიების წილისყრის შემდეგ 40-ის ჩათვლით ყველა ნომერი დაკავებული იყო და კოალიციის 41 ნომერი ამიტომ მისცეს.
შეგახსენებთ, რომ "ქართულ ოცნება" მისთვის 7 ნომრის მინიჭებას ითხოვდა, რაზედაც ცესკომ განმარტა, რომ საქართველოს საარჩევნო კოდექსის 119-ე მუხლის მე-4 და მე-5 პუნქტების თანახმად "თუ არჩევნებისთვის საარჩევნო ბლოკი შექმნეს ბოლო საპარლამენტო არჩევნებში მონაწილე პარტიებმა, ბლოკის წესდებაში მათ უნდა მიუთითონ, რომელი პარტიის რიგითი ნომრით ისარგებლებენ", ხოლო „ყველა სხვა საარჩევნო სუბიექტის რიგითი ნომერი გამოვლინდება წილისყრით".
ზემოაღნიშნული ნორმის თანახმად, იმისათვის, რომ საარჩევნო ბლოკმა დაიტოვოს მასში შემავალი ერთ-ერთი სუბიექტის რიგითი ნომერი, ბლოკში შემავალ ყველა პარტიას მონაწილეობა უნდა ჰქონდეს მიღებული 2008 წლის საპარლამენტო არჩევნებში. წინააღმდეგ შემთხვევაში ბლოკის რიგითი ნომერი უნდა განისაზღვროს წილისყრით არჩევნებამდე არაუგვიანეს 37 დღისა ანუ 25 აგვისტომდე.