დღეს გიორგი კარბელაშვილი ნუცუბიძის პლატოზე ადგილობრივ მოსახლეობას შეხვდა და მათ პრობლემებს ადგილზე გაეცნო. მოსახლეობასთან შეხვედრაზე ვაკის რაიონის მაჟორიტარობის კანდიდატმა გიორგი კარბელაშვილმა ჯანდაცვის ხელმისაწვდომობაზე, დასაქმებასა და სხვადასხვა სოციალურ პროექტებზე ისაუბრა.
ასევე მან აღნიშნა, რომ „ნაციონალური მოძრაობის" მთავარი ამოცანაა კონკრეტული ქმედებებით გადაიჭრას პრობლემები, რათა მოსახლეობამ მეტი სარგებელი ნახოს.
გიორგი კარბელაშვილი: რეალურად რა პრობლემებიც არსებობს კარგად ვიცით, ხალხი ხედავს რომ ქვეყანა ფეხზე დადგა და წინ მივდივართ. ძირითადი პრობლემები დასაქმება და ჯანდაცვის საკითხებია, რაც ჩვენთვის უმთავრესი პრიორიტეტია.
