ქრისტიან - დემოკრატიული მოძრაობის კრწანისის მაჟორიტარობის კანდიდატი ზაზა გაბუნია კრწანისის მემორიალთან მოსახლეობას შეხვდა და საკუთარ საარჩევნო პროგრამაზე ესაუბრა.
ზაზა გაბუნიას თქმით, კრწანისში გადასაჭრელია როგორც გლობალური, ისე ლოკალური პრობლემები.
‘'ჩემი, ზაზა გაბუნიას არჩევის შემთხვევაში კრწანისელებს ექნებათ დაბალი გადასახადები კომუნალურ ტარიფებზე. ყველა კრწანისელს, ბავშვებს 0-18 წლამდე, ყველა პენსიონერს, ყველა ვეტერანს, ყველა შეზღუდული შესაძლებლობების მქონე პირს, ყველა უმუშევარს ექნება ხელმისაწვდომი ჯანდაცვა. კრწანისში აღარ იარსებებს ავარიული სახლების და სანიაღვრე ქსელების პრობლემა და რაც მთავარია კრწანისის ყველა თაობას, შვილებს განათლება, მშობლებს დასაქმება და პენსიონერებს დაფასება ექნება'', - განაცხადა ზაზა გაბუნიამ.
ზაზა გაბუნია კრწანისში შეხვედრებს ხვალაც გამართავს.
