ჟურნალმა Global Finance მსოფლიოში საუკეთესო ინტერნეტ ბანკებს შორის ქართული ბანკი წელს პირველად დაასახელა. ჟიურის გადაწყვეტილებით, თიბისი ბანკი დაჯილდოვდა ერთდროულად ორ ნომინაციაში: ცენტრალური და აღმოსავლეთ ევროპის რეგიონის მასშტაბით როგორც ‘საუკეთესო ინტეგრირებული სამომხმარებლო ინტერნეტ ბანკი', ხოლო საქართველოს მასშტაბით, როგორც "საუკეთესო სამომხმარებლო ინტერნეტ ბანკი"..
Global Finance -ის პრესრელიზის თანახმად, „გამარჯვებული ბანკები შეირჩა ინტერნეტ ბანკის ფუნქციონალურობის, დიზაინის და ინტერნეტ მომხმარებლის მოზიდვის სტრატეგიის ეფექტურობის მიხედვით. რეგიონალური აღიარება მნიშვნელოვანი წარმატება და კიდევ ერთი წინ გადადგმული ნაბიჯია ჩვენი სტრატეგიული მიზნისკენ - გვქონდეს რეგიონში საუკეთესო ინტერნეტ ბანკი.
თიბისი ბანკთან ერთად ცენტრალური და აღმოსავლეთ ევროპის რეგიონში გამარჯვეს: CITI Bank - საუკეთესო ვებ დიზაინისა და გადასახადების სისტემისთვის, OTP Bank - საუკეთესო მობაილ ბანკისა და სოციალურ მედიაში ჩართულობისთვის, და Bank Millennium - საუკეთესო ონლაინ სადეპოზიტო, საკრედიტო და საინვესტიციო პროდუქტებისთვის.
2012 წელს ეს მეოთხე ჯილდოა თიბისისთვის. ბანკმა უკვე მიიღო სამი წამყვანი გამომცემლობის Gლობალ Fინანცე, EMEA Fინანცე და Euromoney
-ის ჯილდოები ქვეყნის მასშტაბით საუკეთესო ბანკის ნომინაციებში.