ამერიკული ტელეარხ CNN-ის პრეზიდენტმა ჯიმ უოლტონმა თანამდებობიდან წასვლის შესახებ განაცხადა. მისი თქმით, ის პრეზიდენტის თანამდებობას ოფიციალურად 31 დეკემბერს დატოვებს. ტელეარხის ინფორმაციით, ახალი ხელმძღვანელის მოძიება დროულად მოხდება, რათა უოლტერის წასვლის შემდეგ არხს ხელმძღვანელი ყავდეს.
აღსანიშნავია, რომ ჯიმ უოლტონი CNN-ს 2003 წლიდან ხელმძღვანელობს, თუმცა მან არხზე მუშაობა, ტელეკომპანიის გახსნისთანავე, 1981 წლიდან დაიუწყო.
გავრცელებული ინფორმაციის მიხედვით, CNN-მა, რომელიც კომპანია Time Warner Inc-ის საკუთრებაა, ბოლო პერიოდში რეიტინგი დაკარგა. რამაც თავის მხრივ Fox News-სა და MSNBC-ის რეიტინგები გააძლიერა. აღსანიშნავია, რომ დღეისათვის პრაიმ-ტაიმში СNN-ის მაყურებელთა რაოდენობა, ბოლო 21 წლის განმავლობაში, ყველაზე დაბალია. ტელეკომპანიის რეიტინგი გასული წლის ანალოგიურ პერიოდთან შედარებით 35 %-ითაა დაცემული.
