„ქრისტიან-დემოკრატების" ლიდერები დღეს მესტიის რაიონში მცხოვრებ ანსიანების ოჯახს ესტუმრნენ და შეშის დაჩეხვასა და საოჯახო საქმიანობაში მიეხმარნენ.
ანსიანების შვიდსულიანი ოჯახი სიღარიბის ზღვარს მიღმაა და მიუხედავად ამ სტატუსისა, სახელმწიფოს მხრიდან არანაირი დახმარება არ აქვს. ასევე აღსანიშნავია ის ფაქტი, რომ ოჯახის ყველა წევრი დაუსაქმებელია.
ანსიანების ოჯახთან სტუმრობისას, საუბარი შეეხო სისხლის სამართლის კოდექსის მიხედვით ხე-ტყის უკანონო მოხმარებით დასჯას, რის გამოც ოჯახები მძიმე მდგომარეობაში იმყოფებიან. გიორგი თარგამაძის დაპირებით, „ქრისტიან-დემოკრატების" ხელისუფლებაში მოსვლის შემთხვევაში ამინისტია შეეხება ყველა ოჯახს ხე-ტყის მოხმარებასთან დაკავშირებით. ამას გარდა, სვანეთის მოსახლეობას ბუნებრივი აირისა და ელექტროენერგიის პრობლემა აწუხებს. „ქრისტიან - დემოკრატების" განცხადებით უნდა მოხდეს ელექტროენერგიის სუბსიდირება და მთლიანი მოსახლიობის ბუნებრივი აირით უზრუნველყოფა.
„დღეს ჩვენ ანსიანების მრავაშვილიანი ოჯახი მოვინახულეთ, რომელიც მძიმე სოციალურ მდგომარეობაში იმყოფება, რაც კიდევ ერთხელ ხაზს უსვამს ხელისუფლების უპასუხისმგებლო პოლიტიკას სოფლად მცხოვრები ოჯახების მიმართ "- განაცხადა გიორგი თარგამაძემ.
