თურქეთის ვაჭრობისა და საბაჟო საკითხების მინისტრმა ხაიატი იაზიჟიმ სირიასთან ყველა სასაზღვრო საკონტროლო პუნქტის ჩაკეტვის განკარგულება გასცა.
რამდენიმე დღის წინ სირიის ოპოზიციის შეიარაღებულმა ძალებმა თურქეთის საზღვართან მსხვილი სასაზღვრო პუნქტები დაიკავეს და შემდეგ დატოვეს.
გაეროს ინფორმაციით, ამჟამად თურქეთში 32 ათასი სირიელი ლტოლვილი იმყოფება.
ორ ქვეყანას შოროს ურთიერთობა ჯერ კიდევ გასულ თვეს დაიძაბა, როდესაც სირიამ თურქეთის ავიგამანადგურებელი F-4 ფანტომი ნეიტრალურ წყლებში ჩამოაგდო.
ამ ფაქტის შემდეგ თურქეთმა სირიის საზღვართან სარაკეტო კომპლექსი განალაგა.
