ფრანგი ბიზნესმენი ფრანკ ლებერი, რომელიც მეღვინეობა "შატო დიუ კუროს" მფლობელია, მზადაა ოკეანის ქვეშეთში მსოფლიოში პირველი ღვინის სარდაფი გახსნას. ბიზნესმენი სარდაფის გახსნას ატლანტის ოკეანეში, სანაპიროდან 150 კილომეტრის დაშორებით, 1000 მეტრის სიღრმეზე გეგმავს. ლებერი მსოფლიოს ღვინის კოლექციონერებს შესაძლებლობას აძლევს ამ სარდაფში ღვინო შეინახონ. თავად სარდაფი კი ერთგვარ კონტეინერში განთავსდება, სადაც სინათლესთან ერთად ჟანგბადიც იქნება. კონტეინერში დამონტაჟდება ვიდეოკამერებიც, რაც ღვინის მეპატრონეს საკუთარ კოლექციაზე დაკვირვების საშუალებას მისცემს.
სარდაფში კონტეინერის იჯარით აღება მაქსიმუმ 10 წლით იქნება შესაძლებელი. ყოველი ორი წლის შემდეგ ოკეანიდან ღვინის ამოტანა მოხდება, რათა მეპატრონემ ის დააგემოვნოს და თავად გადაწყვიტოს, საჭიროა თუ არა ღვინის ისევ ოკეანეში ჩაბრუნება, დასაძველებლად. აღნიშნულ სარდაფში ერთი ბოთლი ღვინის შენახვა 17 ევრო ეღირება. არაორდინალური სარდაფი ფუნქციონირებას 2013 წლიდან დაიწყებს.
