საქართველოს პრეზიდენტმა სტიქიის ზონაში მიმდინარე აღდგენითი სამუშაო დაათვალიერა. მიხეილ სააკაშვილი სალიკვიდაციო სამუშაოში მონაწილე რეზერვისტებს გაესაუბრა და დაზარალებული მოსახლეობის დახმარებისთვის მათ პირადად გადაუხადა მადლობა.
კახეთის რეგიონში სალიკვიდაციო სამუშაოში ჩართულ რეზერვისტებისა და საინჟინრო ბატალიონის მუშაობას თავდაცვის მინისტრი დიმიტრი შაშკინი ხელმძღვანელობს. ადგილზე იმყოფებიან გაერთიანებული შტაბის უფროსი გენერალ-ლეიტენანტი დევი ჭანკოტაძე, სამინისტროს და შეიარაღებული ძალების სხვა მაღალჩინოსნები.
საქართველოს შეიარაღებული ძალების რეზერვისტები, საინჟინრო ბატალიონი და ტექნიკა კახეთის რეგიონში მიმდინარე აღდგენით სამუშაოში მეორე დღეა აქტიურად მონაწილეობენ.
