ორი უკრაინელი ალპინისტების ცხედრები ნაპოვნია.
15-კაციანმა სამაშველო ჯგუფმა საშა ტარანიკი და დიმა ვოლოშინი 3, 500 მეტრის სიმაღლეზე აღმოაჩინა.
გავრცელებული ინფორმაციის მიხედვით, ამ დროისთვის მაშველები ცხედრების ამოყვანას ცდილობენ. თუმცა ცუდი მეტეოროლოგიური პირობების გამო ცხედრების ამოყვანა ფერხდება.
შეგახსენებთ, რომ უკრაინელი ალპინისტები უშბიდან დაშვებისას ბაგირიდან მოწყდნენ.
ალპინისტების ჯგუფის წევრის ჟენია ტარანიკის ინფორმაციით, დაშვებისას, 3,600 მეტრის სიმაღლეზე, მის ძმას, საშა ტარანიკს და დიმა ვოლოშინს დამცავი ბაგირი გაუწყდათ და ხევში გადაიჩეხნენ.
უკრაინელი ალპინისტები უშბის დასალაშქრად საქართველოში 13 ივლისს ჩამოვიდნენ.
