ელჩების სამუშაო ჯგუფი "must-carry, must-offer"-თან დაკავშირებით განცხადებას ავრცელებს.
"ელჩების სამუშაო ჯგუფი შეიკრიბა საარჩევნო კოდექსში შეტანილი უკანასკნელი ცვლილებების განსახილველად, რომელიც ითვალისწინებს შესაბამისად, საკაბელო ოპერატორებისა და სატელევიზიო მაუწყებლების ე.წ "must-carry, must-offer"-ის ვალდებულებას. შეკრებილი ელჩების სახელით, გვსურს მივესალმოთ აღნიშნულ ცვლილებებს, როგორც უაღრესად პოზიტიურ ინიციატივას ქართული მოსახლეობის დიდი ნაწილის უფრო მრავალფეროვანი სახის საინფორმაციო წყაროებით უზრუნველყოფის კუთხით. ჩვენ აგრეთვე მოვუწოდებთ ხელისუფლებას, კვლავაც განიხილოს "must-carry, must-offer"-ის ვალდებულების გავრცელების შესაძლებლობა არჩევნების დღის შემდგომი პერიოდისთვის", - აღნიშნულია განცხადებაში.
