მაშველები უშბაზე დაკარგულ ორ უკრაინელ ალპინისტს ეძებენ. უბედური შემთხვევა მწვერვალიდან დაშვების დროს მოხდა.
ერთ-ერთი მთამსვლელის ინფორმაციით, მწვერვალიდან დაშვებისას 3 600 მეტრის სიმაღლეზე დიმა ვოლოშენსა და საშა ტარენინს დამცავი ბაგირი გაუწყდათ და გადაიჩეხნენ.
ამ დროისთვის მთამსვლელთა ჯგუფი ცდილობს გზის ის მონაკვეთი გაიაროს, სადაც შესაძლოა დაკარგულები იყვნენ.
უშბის დასალაშქრად ოთხი უკრაინელი მთამსვლელი 13 ივლისს გაემგზავრა.
