ბარდუბათან მომხდარი ავტოავარიისას დაშავებული ორი პაციენტი ქუთაისიდან თბილისში გადმოიყვანეს.
59 წლის მამაკაცის მდგომარეობა ექიმების მიერ მძიმედ ფასდება. ის რეფერანული საავადმყოფოს რეანიმაციულ განყოფილებაშია მოთავსებული. პაციენტს სხეულის 20% აქვს დამწვარი.
"პაციენტს აქვს დამწვრობითი შოკი. მოთავსებულია რეანიმაციულ განყოფილებაში. უტარდება შესაბამისი მკურნალობა. ამ ეტატპზე მის სიცხოცხლეს საფრთხე არ ემუქრება", - განუცხადეს "ჯი-ეიჩ*-ენს" რეფერალურ საავადმყოფოში.
თბილისში გადმოყვანილი მეორე პაციენტის მდგომარეობა ამ დროისათვის სტაბილურია.
რაც შეეხება ქუთაისის ცენტრალურ საავადმყოფოში მოთავსებულ პაციენტებს, ამ დროისთვის საავადმყოფოში ხუთი დაშავებულიდან ორი გადის მკურნალობას.
ექიმების განცხადებით, მათი მდგომარეობა სტაბილურია.
შეგახსენებთ, რომ ავტოავარია გუშინ ბარდუბანთან მოხდა, რომლის დროსაც ექვსი ადამიანი დაიღუპა.
