უბედური შემთხვევა მოხდა ლაგოდეხის რაიონის სოფელ ლელიანში. 14 წლის ბიჭი მდინარე ალაზანში დაიხრჩო.
ბავშვი თანასოფლელებთან ერთად საქონელს მწყემსავდა, როცა გასაგრილებლად მდინარეში ჩავიდა, სავარაუდოდ ის ავად გახდა და წყლიდან ამოსვლა ვეღარ შეძლო.
„შემთხვევა რამდენიმე საათის წინ მოხდა. ბავშვი ბიძაშვილთან ერთად საქონელს მწყემსავდა. წყალში რომ შევიდა, ავად გახდა, ჩქარი დინება იყო და წყალმა გაიტაცა. ადგილობრივებმა ცხედარი შემთხვევის ადგილიდან 200 მეტრში ფიჩხებზე გამოდებული იპოვეს. სასწრაფო-სამედიცინო დახმარების ბრიგადა გამოვიძახეთ, მაგრამ უკვე გვიანი იყო, ბავშვი ექიმებს გარდაცვლილი დახვდათ", - აღნიშნა სოფლის რწმუნებულმა ნინო კაპანაძემ.
მომხდარზე სისხლის სამართლის საქმეა აღძრული. გამოძიებას ლაგოდეხის პოლიცია აწარმოებს.
