როგორც აზერბაიჯანული "SOCAR"-ის შვილობილი "Black Sea Terminal"-ის პრეზიდენტი ქერიმ გულიევი განმარტავს, "შავი ზღვის ტერმინალის" სიმძლავრე წელიწადში 10 მლნ ტონაა, თუმცა ამ დროისათვის მხოლოდ 3,5-4 მლნ ტონის გატარება ხდება.
"შავი ზღვის ტერმინალის" სამომავლო გეგმებზე და მიმდინარე პროექტებზე ქერიმ გულიევმა "ნავთობპროდუქტების იმპორტიორთა კავშირის" მიერ ორგანიზებულ მედიატურის მსვლელობისას ისაუბრა. "Black Sea Terminal"-ის ხელმძღვანელი განმარტავს, რომ კომპანიაში მომუშავე ადამიანების 95 %-ი ადგილობრივი მოსახლეობაა, რაც მათ სოციალურ-ეკონომიკურ მდგოამრეობაზეც დადებითად აისახება.
"შავი ზღვის ტერმინალი" წელიწადში 10 მლნ ტონაზეა გათვლილი. ჩვენს მიერ განხორციელებული ინვესტიციის საერთო ღირებულებამ უკვე 350 მლნ. დოლარი შეადგინა. ტერმინალში მუდმივად მიმდინარეობს სამუშაოები ტერინალის ინფრასტრუქტურის გასაუმჯობესებლად. ამ ეტაპზე ვერ ავედით იმ სიმძლავრეზე რაც ჩვენ გვინდოდა, მაგრამ ვიმედოვებთ, რომ სიმძლავრე თანდათანობით გაიზრდება"- აღნიშნა ქერიმ გულიევმა და დასძინა, რომ გასულ წელს ტერმინალმა 3,5-4 მლნ ტონა ნავთობის გაატარა.
"ნავთობპროდუქტების იმპორტიორთა კავშირის" თავმჯდომარის მოადგილის ვახტანგ იობაშვილის განმარტებით, ”შავი ზღვის ტერმინალს” საქართველოს ეკონომიკაზე დიდი ეფექტი აქვს და თუ ქვეყანაში მსგავი ობიექტები კიდევ გაჩნდება ეს ქვეყნის ეკონომიკურ განვითარებაზე მხოლოდ დადებითად აისახება.
"ყველამ კაგად იცის თუ ”შავი ზღვის ტერმინალის” აშენებამდე ამ სოფელში რა მდგომარეობა იყო. ეს ადგილი ჭაობით იყო დაფარული და ადგილობრივ მოსახლეობას არანაირი პერსპექტივა არ გააჩნდა. დღეს კი ყველა ვხედავთ თუ რა ინფრასტრუქტურაა, რაც არის ორი მეგობარი ქვეყნისთვის: აზერბაიჯანი-საქართველოსთვის სტრატეგიული მნიშვნელობის ობიექტი. წარმოიდგინეთ, რომ მსოფლიოს წამყვანმა ქვეყნებმა უკვე ყველამ კარგად იცის თუ სად მდებარეობს "შავი ზღვის ტერმინალი".

წარმოიდგგინეთ, რომ რუკაზე გაჩნდა ადგილი, რომელიც ერთობ მნიშვნელოვანი და პოპულარულია მთელს სანავთობო სივრცეში. რაც შეეხება მის დანიშნულებას ეს არის ტერმინალი, რომელსაც მოაქვს ძალიან დიდი ეკონომიკური ეფექტი ქვეყნისთვის. ყველა იმ ობიექტი, რომელიც ჩვენი ქვეყნის ტერირტორიაზეა განთავსებული მაქვს მოაქვს დიდი საბიუჯეტო შემონატანები და ადგილობრივი მოსახლეობა ყავს დასაქმებული"- განაცხადა იობაშვილმა.

უნდა აღინიშნოს, რომ 1-ელ ივნიის ყულევში პლოპილენის მიღებისა და გადაზიდვის კომპლექსი გაიხსნა. პროექტი განხორციელდა კომპანია "აზერქიმიის" დაკვეთით, რომელიც მომზადებული იყო საპროექტო ინსტიტუტ "ნევფტეგაზის" მიერ. ობიექტი მოიცავს სხვადასხვა დანადგარებს მათ შორის კომპრექსორებს, ტრანსფორმატორებს და ასე შემდეგ. პროქტის ფარგლებში სარკინიგზო ცისტრენიდან თხევადი გაზის გადატვირთვა გაზის ტანკერში მოხდება.

"შავი ზღვის ტერმინალი" მდებარობს შავი ზღვის სანაპიროზე ყულევში, რომლის მფლობელია აზერბაიჯანის სახელმწიფო ნავთობკომპანია. ტერმინალი იღებს აზერბაიჯანულ ნავთობს, გადატვირთავს მას ტენკერებზე და აგზავნის მთელ მსოფლიოში. შავი ზღვის ტერმინალს აქვს ყველაზე დიდი ტვირთბრუნვა საქართველოში არსებულ სხვა მსგავს საზღვაო ტერმინალებს შორის. იგი აღჭურვილია თანამედროვე ტექნოლოგიებით, ასევე აქვს უმაღლესი დონის სანავთობო რეზერვუარები, 320 ათას კვადრატულ მეტრზე გადაჭიმული სანავთობო რეზერვუარები. პერსპექტივაში დაგეგმილია მისი 380 ათას კვადრატულ მეტრამდე გაზრდა. ჩატვირთვის ოპერაციების განსახორციელებლად ტერმინალს აქვს ორი ნავსადგომი, სადაც შესაძლებელია 100-ათას ტონიანი გემების მიღებაც. ტერმინალს ასევე აქვს საკუთარი სარკინიგზო ხაზი.
ტერმინალი აღჭურვილია მთელი რიგი ტექნოლოგიური კონსტრუქციებითა და მექანიზმებით, რომელიც განკუთვნილია ნავთობის მისაღებად, ჩასატვირთად და შესანახად. მას აქვს ასევე დამხმარე და სამრეწველო, საყოფაცხოვრებო და ადმინისტრაციული შენობები. ტერმინალს გააჩნია მაღალი დონის ავტომატიზაციისა და მექანიზაციის საწარმო. ავტომატური მართვის სისტემის ტექნოლოგიური პროცესების საფუძველზე ასევე შესაძლებელია ელექტრონული კონტროლი.
შავი ზღვის ტერმინალი მუდმივად აუმჯობესებს მართვის სისტემებს, რათა მიაღწიოს მთავარ მიზანს _ უბედური შემთხვევებისა და ავადმყოფობის პრევენცია, უზრუნველყოს უსაფრთხო სამუშაო გარემო, გაატაროს გარემოსდაცვითი ღონისძიებები. კომპანია განსაკუთრებულ ყურადღებას უთმობს გარემოსდაცვითი ღონისძიებების გატარებას. შექმნილია ფონდი გარემოს დაცვის სამინისტროსთან ერთად, რომელიც აფინანსებს ამ ფონდს, რათა დაცული იქნას ,,კოლხეთის ნაციონალური პარკის" ფლორა და ფაუნა.
ტერმინალში დანერგილია ეკოლოგიური მენეჯმენტის სისტემა, რომელიც სერტიფიცირებულია საერთაშორისო სტანდარტებით თანახმად ISO 14001 საზოგადოებრივი კომპანია ,,Moody international"-ის მიერ. ეს სისტემა უზრუნველყოფს, რათა განხორციელდეს დაგეგმილი კონტროლი გარემოს დაცვის ყველა ასპექტზე, რაც დაკავშირებულია ტერმინალის საქმიანობასთან. აქედან გამომდინარე, ყველა შესაძლო ზემოქმედება, რამაც შეიძლება ავნოს ეკოლოგიას, იზომება და კონტროლირდება, რათა დაცული იქნეს ყველა მოთხოვნა.
უნდა აღინიშნოს, რომ ,,შავი ზღვის ტერმინალმა" წარმატებით გაიარა შიდა კონტროლის აუდიტი, რომელიც ჩაატარა ,,Moody international"-მა 2010 წლის 22-26 ნოემბერს. შიდა აუდიტის წევრებს ISO და OHSAS-ის მიერ მიღებულ სტანდარტებთან შეუსაბამობა არ დაუფიქსირებიათ.
რაც შეეხება ნავთობის დაღვრას როგორც ზღვაში, ისე ხმელეთზე, ამისთვის შექმნილია ოპერატიული რეაგირების ჯგუფი, რომელიც აღჭურვილია ყველა უახლესი ტექნიკით და მეთვალყურეობას უწევს ნავთობის გადატვირთვა-ჩატვირთვის მთელ პროცესს ვაგონ-ცისტერნებიდან ტერმინალში და ტერმინალიდან გემში.
ნავთობპროდუქტების კავშირმა 2009-2010 წლებში შავი ზღვის ნავთობტერმინალი საუკეთესო ინფრასტრუქტურის მქონე ტერმინალად დაასახელა.
კომპანიაში მუშაობს 11 დეპარტამენტი, მათ შორისაა ნავსადგური და რკინიგზის სადგური. ტერმინალში 500-მდე საქართველოს მოქალაქეა დასაქმებული, ძირითადად ადგილობრივები. მთლიანობაში ტერმინალს 600 ადამიანზე მეტი ემსახურება. კომპანიაში მუდმივად ტარდება ტრეინინგები თანამშრომლების კვალიფიკაციის ასამაღლებლად.
"შავი ზღვის ტერმინალი", როგორც ერთ-ერთი საუკეთესო შავი ზღვის აუზში, უამრავ დაინტერესებულ სტუმარს იღებს, რომლებიც ეცნობიან ტერმინალში დანერგილს თანამედროვე ტექნოლოგიებს.