მომავალი პრემიერ-მინისტრი ივანე მერაბიშვილი პირობას იძლევა, რომ სოფლის მეურნეობის მხარდაჭერა იქნება მისი მთავარი ამოცანა.
როგორც მერაბიშვილმა პარლამენტის დღევანდელ რიგგარეშე სხდომაზე, სამთავრობო პროგრამის "მეტი სარგებელი ხალხს" განხილვისას განაცხადა, მისი პირადი ოცნება, სოფლის განვითარება და გამდიდრებაა.
"ჩემი პირადი ოცნებაა, საქართველოს სოფელი განვითარდეს, საქართველოს გლეხი იყოს მდიდარი, სოფელი იყოს მდიდარი, რაც იქნება საწინდარი და საფუძველი საქართველოს სახელმწიფო სიძლიერისა." - განაცხადა მომავალმა პრემიერმა.
სამთავრობო პროგრამის წარდგენისას მან ასევე მადლობა გადაუხადა ყველა პოლიციელს გაწეული სამსახურისთვის და აღნიშნა, რომ ქართული პოლიცია კვლავაც იქნება რეფორმების მთავარი გამტარებელი ქვეყანაში.
სამთავრობო პროგრამას და მინისტრთა განახლებულ კაბინეტს პარლამენტი ნდობას დღეს გამოუცხადებს. პარლამენტში ყველა მინისტრი მივიდა გარდა საგარეო საქმეთა მინისტრი გრიგოლ ვაშაძისა და იუსტიციის მინისტრ ზურაბ ადეიშვილისა.
