"მდგომარეობა კრიტიკულია. ყველაფერი კეთდება პაციენტის გადასარჩენად. ის ხელოვნური სუნთქვის აპარატზეა მიერთებული", - განუცხადეს "ჯი-ეიჩ-ენს" კლინიკაში.

ამ დრომდე 8 ბავშვი რჩება იაშვილის სახელობის კლინიკაში. 3 მოწამლულს მკურნალობენ რეფელარურ კლინიკაში, ღუდუშაურის კლინიკაში კი 8 პაციენტს, მაშ შორის ერთი ორსული ქლბნს უტარდებათ მკურნალობა.

ექიმების გაცხადებით, 18 წლის ახალგაზრდა კომატოზურ მდგობარეობაშია და პროგნოზი არასაიმედოა. კლინიკაში გადაყვანის დროს პაციენტს გაუჩერდა გული, თუმცა კლინიკაში მოხერხდა რეანიმაცია და გულის ამუშვება. მათივე ინფორმაციით, თუ ტვინის სიკვდილი არ დაფიქსირდა მის გადარჩენას შეძლებენ.

შეგახსენებთ, რომ ლილოში ერთ-ერთი საწარმოს ქიმიური ავზი მწყობრიდან გამოვიდა და თხევადმა ქლორმა გაჟონა. დაზარალებულები არიან მიმდებარე კორპუსებში მცხოვრები ადამიანები, რომლებიც სხვადასხვა საავადმყოფოში გადაიყვანეს. გაჟონვა მოხდა 800-ლიტრიანი ქიმიური ავზიდან, რომელსაც ონკანი მოძვრა. დაზუსტებული ინფორმაციით, დაზარალებულია 73 ადამიანი, რომელთა შორის 20 ბავშვია და 1 ორსული. 18 წლის ახალგაზრდის მდგომარეობა განსაკუთრებულად კრიტიკულია. სპეციალისტების ინფორმაციით, ლილოში მოსახლეობის ევაკუაციის საჭიროება არ არსებობს. 800-ლიტრიან ქიმიურ ავზს დაზიანებული ონკანი გამოუცვალეს და უსაფრთხო ადგილზე გადააქვთ.

ქლორის გაჟონვის გამო შესაბამისმა სამსახურებმა ჰაერის მდგომარეობაზე ტესტი ჩაატარეს. ტესტმა აჩვენა, რომ მიმდებარე ტერიტორიაზე ჰაერი ნორმის ფარგლებშია და პანიკის საფუძველი არ არსებობს.

დაზარალებულები ქვეყნის პრეზიდენტმა მოინახულა.