როგორც თბილისის მერიის სოციალური მომსახურებისა და კულტურის საქალაქო სამსახურის უფროსმა მამუკა ქაცარავამ განაცხადა, ამ დროისათვის ავადმყოფი კომატოზურ მდგობარეობაშია და პროგნოზი არასაიმედოა.

"ერთი ავადმყოფის მდგომარერობა ძალიან მძიმეა და ჯერჯერობით ექიმების მის მდგომარეობას კრიტიკულად აფასებენ. ის გადმოყვანილ იქნა კატასტროფის ბრიგადის მიერ და როგორც ეიქმები ამბობენ მოხდა გულის გაჩერება მანქანაში და გადაიყვანეს მართვით სუნთქვაზე. გაჩერებული გულით იქნა შემოყვანილი კლინიკაში. კლინიკაშ მოხერხდა რეანიმაცია და გულის ამუშვება, მაგრამ იმის გამო, რომ ტვინი გარკვეული პერიოდის განმავობაში იჯმყოფებოდა იშემიაში მდგომარეობა ძალიან დამძიმდა და ჩამოყალიბდა ღრმა კომა და პროგნოზი ჯერჯერობიღ არასაიმედოა", - განაცხადა ქაცარავამ.

პირველადი ინფორმაციით, ლილოში გაერთიანებული წყალმომარაგების კომპანიის ქიმიური ავზიდან გაჟონილი ქლორით 36 ადამიანის მოიწამლა, თუმცა მოგვაინებით ჯანდაცვის მინისტრმა ზურაბ ჭიაბერაშვილმა განაცხადა, რომ საბოლოოდ საავადყოფოებში 56 დაფიქსირდა. დაზარალებულებს შორის 20 ბავშვია და 1 ორსული. დაზარალებულები მიმდებარე კორპუსებში მცხოვრები ადამიანები არიან.

ლილოში მოსახლეობის ევაკუაციის საჭიროება არ არსებობს. დაზიანებული 800-ლიტრიანი ქიმიური ავზი უსაფრთხო ადგილზე გადაიტანეს.

ქლორის გაჟონვის გამო შესაბამისმა სამსახურებმა ჰაერის მდგომარეობაზე ტესტი ჩაატარეს. ისან-სამგორის რაიონის გამგებელის თემურ გრიგალაშვილის ინფორმაციით, ტესტმა აჩვენა, რომ მიმდებარე ტერიტორიაზე ჰაერი ნორმის ფარგლებშია და პანიკის საფუძველი არ არსებობს.

დაზარალებულები ჯანდაცვის მინისტრმა ზურაბ ჭიაბერაშვილმაც მოინახულა. მინისტრის თქმით, პაციენტების მდგომარეობა დამაკმაყოფილებელია.

შეგახსენებთ, რომ ლილოში გაერთიანებული წყალმომარაგების კომპანიის ქიმიური ავზი მწყობრიდან გამოვიდა და ქლორმა გაჟონა. დაზარალებულები არიან მიმდდებარე კორპუსებში მცხოვრები ადამიანები, რომლებიც რეფერალურ საავადმყოფოსსა და ინგოროყვას კლინიკაში გადაიყვანეს. გაჟონვა მოხდა 800-ლიტრიანი ქიმიური ავზიდან, რომელსაც ონკანი მოძვრა.