ევროპული ვიზიტის შემდეგ , 2- 9 ივლისს სამოქალაქო მოძრაობა „ქართულ-აფხაზური და ქართულ-ოსური სახლის „ ლიდერი , პროფესორი ნესტან კირთაძე ოფიციალურ შეხვედრებს გამართავს მოსკოვში რუსეთის ფედერაციის პრეზიდენტის ოფიციალურ წარმომადგენლებთან , რუსეთის სახელმწიფო დუმის დეპუტატებთან, ცნობილ პოლიტიკოსებთან , დიპლომატებთან, სტრატეგიულ ცენტრებთან და საზოგადოებრივ ორგანიზაციებთან.
„მოსკოვში ჩამოვედი კონკრეტული პროექტებით, კონკრეტული ინიციატივებით, და რაც მთავარია, კონკრეტული მიზნით , რომელსაც ალტერნატივა არა აქვს და ამ მიზანს ხანგრძლივი და შეუქცევადი მშვიდობა ქვია .ჩამოვედი სამოქალაქო მოძრაობის მშვიდობის მანდატით და მშვიდობითვე დავბრუნდები . მართალია წინ რთული მოლაპარაკებები მელის , მაგრამ ყოველდღიურმა ზრუნვამ უნდა აღადგინოს ურთიერთობა და ნდობა ქართველებსა და აფხაზებს , ქართველებსა და ოსებს შორის , ისევე როგორც, უნდა აღადგინოს მრავალმხრივი ურთიერთობები რუსეთის ფედერაციასთან „ - განაცხადა ნესტან კირთაძემ .
ვიზიტი მოამზადა პარიზისა და ბრუსელის დემოკრატიის განვითარების ინსტიტუტებმა .
შეგახსენებთ , რომ ნესტან კირთაძის მოსკოვის ვიზიტს წინ უძღოდა 2 კვირიანი ოფიციალური ვიზიტი ევროპაში.
კირთაძე სამშობლოში 10 ივლისს დაბრუნდება .
