კოალიცია "ქართული ოცნების" მაჟორიტარი დეპუტატობის კანდიდატი დუშეთის რაიონში ირაკლი ტრიპოლსკი იქნება, - ამის შესახებ ჟურნალისტებს კოალიციის ერთ-ერთმა ლიდერმა სოზარ სუბარმა განუცხადა.
როგორც სუბარმა აღნიშნა, დღევანდელი აქციისთვის დუშეთშიც განწყობა არის იგივე, როგორც სხვა რაიონებში - ხალხს უნდა ცვლილებები.
"მიუხედავად იმისა, რომ ცდილობენ დაშინების მანქანა აამოქმედონ, ეს არ გაჭრის. შეიძლება 10-დან ერთი დაექვემდებაროს ხელისუფლების მუქარას, თუმცა, დანარჩენ ხალხს ისინი ვერ დააშინებენ", - განაცხადა სოზარ სუბარმა.
მისივე თქმით, დღეს დასახელდებიან ისეთი კანდიდატები, რომლებიც ოთხივე რაიონისთვის მისაღები იქნება.
