აშშ-ის პრეზიდენტმა დონალდ ტრამპმა განაცხადა, რომ რუსეთის პრეზიდენტი ვლადიმირ პუტინი ომის დასრულების შესახებ შეთანხმებით უფრო დაინტერესებულია, ვიდრე უკრაინის პრეზიდენტი ვოლოდიმირ ზელენსკი.
ამის შესახებ ტრამპმა ჟურნალისტებს განუცხადა
შეკითხვაზე, თუ რატომ განაგრძო რუსეთმა უკრაინაზე თავდასხმები ცეცხლის შეწყვეტის შესახებ განცხადების შემდეგ, ტრამპმა უპასუხა, რომ, მისი მტკიცებით, შეთანხმებას ორივე მხარე არღვევდა.
ტრამპმა ასევე ისაუბრა ომის დასრულების შესახებ შეთანხმების მიღწევის პერსპექტივებზე.
„პუტინსაც და ზელენსკისაც სურთ შეთანხმების მიღწევა, მაგრამ არ იციან, როგორ. თუმცა ჩვენ მათ შეთანხმების მიღწევას ვაიძულებთ“, - განაცხადა აშშ-ის პრეზიდენტმა.
შემდეგ კი დაამატა, რომ პუტინი შეთანხმების მიღწევით უფრო დაინტერესებულია, ვიდრე ზელენსკი.
„სინამდვილეში, ვფიქრობ, პუტინს შეთანხმების მიღწევა ზელენსკიზე მეტად სურს“, - განაცხადა აშშ-ის პრეზიდენტმა.
ტრამპის თქმით, შეერთებულმა შტატებმა ასევე უნდა მიაღწიოს იმას, რომ უკრაინის პრეზიდენტსაც სურდეს შეთანხმების მიღწევა.
„ვფიქრობ, პუტინს შეთანხმება სურს და ჩვენ უნდა გავაკეთოთ ისე, რომ ზელენსკისაც სურდეს შეთანხმება“, - აღნიშნა ტრამპმა.
