პრეზიდენტმა ქუთაისში მიმდინარე ბაგრატის ტაძრის სარეაბილიტაციო სამუშაოები დაათვალიერა და აღნიშნა, რომ ბაგრატის ტაძარი აუცილებლად უნდა დასრულდეს, რადგან ის საქართველოს გაერთიანების სიმბოლოა.
,,მოკლედ ეს ტაძარი, რომ უნდა დამთავრდეს საერთოდ ეჭვს არ იწვევს და ხალხის მოთხოვნაა ასეთი. შეგვიფერხეს ამ დასკვნით და სხვადასხვა ინტრიგებით, ჩაწყობებით და იმედია ეს აღარ მოხდება და გაკეთდება ისე, როგორც უნდა იყოს, ყველაფრის დაცვით. რაც იყო Yყველაზე საუკეთესო ექსპერტი ავიყვანეთ, ამაზე უკეთესი მსოფლიოში დღეს არ არის. დარწმუნებული ვარ მსოფლიო კატალოგში ეს შევა, როგორც საუკეთესო რესტავრაციის ნიმუში", _ განაცხადა სააკაშვილმა.
მისვე თქმით, ბაგრატის ტაძარი საქართველოს ერთიანობის სიმბოლოა.
,,ეს უნდა იყოს მოქმედი ტაძარი, რადგან ის ჩვენი ისტორიის სიმბოლო და ერთიანობის ნიმუშია", _ განაცხადა პრეზიდენტმა.
