საქართველოს კონსიტიტუციის მიხედვით, პრემიერ-მინისტრის შეცვლის შემთხვევაში, მთავრობა გადაყენებულად ითვლება და ახალ მინისტრთა კაბინეტსა და ახალ სამთავრობო პროგრამას პარლამენტმა ნდობა უნდა გამოუცხადოს.
საქართველოს მთავრობის ახალი შემადგენლობა ორშაბათს, 2 ივლისს გახდება ცნობილი. როგორც პრეზიდენტმა მიხეილ სააკაშვილმა დღეს განაცხადა, მთავრობა 2 ივლისს საქართველოს პარლამენტს ახალ პროგრამას წარუდგენს და ვანო მერაბიშვილიც მთავრობის ახალ შემადგენლობას დასამტკიცებლად წარადგენს. ორშაბათს, პარლამენტში მთავრობის ახალი პროგრამის წარდგენისას, დასახელდება შინაგან საქმეთა ახალი მინისტრის ვინაობა, ასევე თუ ვინ იქნება დასაქმების სახელმწიფო მინისტრი, რომლის პოსტის შექმნის შესახებ საქართველოს პრეზიდენტმა დღეს განაცხადა.
