სტიქიის შედეგად სამეგრელოს რაიონის სოფლებში ჩახერგილი გზების აღდგენა და გაწმენდა მიმდინარეობს. როგორც ,,ჯი-ეიჩ-ენთან" საუბარში სამეგრელოს გუბერნატორმა გურამ მისაბიშვილა განაცხადა რეგიონში ისევ წვიმს, თუმცა ელექტროენერგია სამეგრელოს ყველა სოფელს შეუზღუდავად მიეწოდება.
"ზარალის დადგენაზე საუბარი ზედმეტია, რადგან ჯერჯერობით ჩახერგილი გზების აღდგენა მიმდინარეობს, რათა მოსახლეობასთან მისასვლელი გზები აღვადგინოთ. დამატებით სამაშველო ძალების დახმარებას არ ვსაჭიროებთ, რადგან მობილიზებულია ყველა ადგილობრივი სამაშველო სამსახური. ამ ეტაპზე ელექტროენერგია შეუზღუდავად მიეწოდება ყველა სოფელს", _ განაცხადა ,,ჯი-ეიჩ-ენთან" საუბარში მისაბიშვილმა.
შეგახსენებთ, რომ სამეგრელოში ძლიერმა წვიმამ რამდენიმე სოფელი მნიშვნელოვნად დააზარალა.
განსაკუთრებით დაზარალდა წალენჯიხის რაიონი, სადაც სოფელ ობუთში მეწყერი ჩამოწვა. ასევე რთული ვითარება შეიქმნა ზუგდიდდის რაიონის სოფელ ფახულანში.
სოფელ ნაკიფუში დაზიანდა წალენჯიხა -ჩხოროწყუს დამაკავშირებელი ხიდი.
