ევროკავშირის ლიდერები შეთანხმდნენ ეკონომიკის გრძელვადიანი სტიმულირებისთვის 120 მლნ ევრის გამოყოფის შესახებ. იტალია და ესპანეთი, რომლებიც წინააღმდეგნი იყვნენ აღნიშნული გეგმის მიღების, საბოლოოდ დათანხმდნენ მას და მოიწონეს ანტიკრიზისული ღონისძიების პაკეტი.
აღნიშნული თანხა პირველ რიგში მიმართული იქნება ბანკების რეკაპიტალიზაციისკენ. იტალია და ესპანეთი მოითხოვდნენ მათთვის საკრედიტო საპროცენტო განაკვეთების შემცირებას,, წინააღმდეგ შემთხვევაში უარს აცხადებდნენ პაკეტის ხელმოწერაზე.
საბოლოოდ მოიძებნა კომპრომისული ვარიანტი და რომმა და მადიდმა საკუთარი პრეტენზიები მოხსნეს. ანალიტიკოსები აცხდებენ, რომ ანტიკრიზისული ღონისძიების პაკეტი ევროზონის ქვეყნებისთვის მნიშვნელოვნად ეფექტური იქნება, თუმცა ეკონომისტების ერთი ნაწილი მიიჩნევს, რომ ამ ქმედებებით ევროზონაში კრიზისის დაძლევა შეუძლებელი იქნება.
უნდა აღინიშნოს, რომ ევროკავშირის წევრი ქვეყნების მიერ ანტიკრიზისული ღონისძიებების პაკეტის დამტკიცებამ პოზიტიური გავლენა იქონია საფონდო ბირჟებზე. ინდექსები სხვადასხვა მიმართულებებით გაიზარდა.
