დღეს, 29 თებერვალს, 15:00 საათზე აშშ-ის საელჩო აშშ-ის საკონსულოს ოფიცერ ენდრიუ პარტინთან ვებჩატს მართავს. როგორც ”ჯი-ეიჩ-ენს” საქართველოში აშშ-ის საელჩოდან აცნობეს, ვებჩატის მიზანია, დაინტერესებულმა პირებმა საკონსულოს ოფიცერს დაუსვან კითხვები ამერიკის ვიზის, მწვანე ბარათის, აგრეთვე აშშ-ში სწავლის შესახებ. ვებჩატში მონაწილეობის მისაღებად, ინტერნეტ-მომხმარებელი უნდა ეწვიოს აშშ-ის საელჩოს ფეისბუქს და დააჭიროს ბმულს, რომელიც მას ჩათის ფანჯარას გაუხსნის. ამ ფანჯარაში ინტერნეტ-მომხმარებელი ჩაბეჭდავს კითხვებს და წაიკითხავს პასუხებს.
ვებჩატის ბმულია http://Statedept.connectsolutions.com/tbilisi . ბმული განთავსებულია აშშ-ის საელჩოს ფეისბუქზე: http://www.facebook.com/tbilisi.usembassy , აგრეთვე აშშ-ის საელჩოს ვებგვერდზე: http://georgia.usembassy.gov / და აშშ-ის საელჩოს ტვიტერზე: @EmbassyTbilisi .
