„კორუმპირებული თეფშები" ამ სახელწოდებით „ქართული ოცნების" ახალგაზრდულმა მოძრაობამ საქართველოს შინაგან საქმეთა სამინისტროსთან აქცია გამართა.
ახალგაზრდული მოძრაობის წევრებმა „გლობალ TV" - ს მიმართ განხორციელებული უკანონობა გააპროტესტეს.
აქციის მონაწილეების განცხადებით, საქართველოში იზღუდება ინფორმაციის თავისუფლება და ამაში ქართული პოლიცია სასამართლოსა და კონტროლის პალატასთან ერთად დიდ როლს თამაშობს. მათივე თქმით, აღნიშნული უწყებები მიხეილ სააკაშვილის დაკვეთას ასრულებენ.
შეგახსენებთ, რომ სამართალდამცავებმა ,,გლობალ ტვ"-ის ანტენები დააყადაღეს.
