მაკა ასათიანს ,,მაესტროს" დაფინანსების შეწყვეტის სანაცვლოდ ,,მერსედეს ბენცის" წარმომადგენლობაში პრობლემების მოგვარებას დაჰპირდნენ, რაზეც მაკა ასათიანმა უარი განაცხადა, _ აღნიშნულის შესახებ ასათიანი ადვოკატმა დიმიტრი გაბუნიამ განაცხადა, რომელმაც ჟურნალისტებს მაკა ასათიანის მიერ გავრცელებული განცხადება გააცნო.
"რადგან სხვა არაფრის საშუალება არ დამიტოვეს, მინდა რომ ყველაფერს თავისი სახელი დავარქვა. მარიონეტი დავით ძოწენიძის ხელით, ჩემს მიმართ ყველა სამთავრობო და სახელისუფლებო რესურსის გამოყენებით მებრძვის იუსტიციის მინისტრი ზურაბ ადეიშვილი, რომელსაც მერსედესში სიმშვიდის სანაცვლოდ, უნდა შევწყვიტო ყველანაირი აქტივობა ,,მაესტროში". Mმე, მას და მის უფროსებს ღიად და პირდაპირ მივმართავ და ვეუბნები არას. ამასთან ვაფრთხილებ, რომ ჩემზე ასეთი ზეწოლის განხორციელების საშუალებას შეძლებისდაგვარად არ მივცემ და გავაგრძელებ უფრო მეტად და აქტიურად ტელეკომპანია ,,მაესტროს" დაფინანსებას, რათა ის გაცილებით კარგად მაუწყებლობდეს", _ განაცხადა გაბუნიამ.
