22 ივნისს, 17:00 საათზე, ქალაქ ბათუმში, სასტუმროში "შერატონ ბათუმში" აუდიტორულმა კომპანიამ - BDO ადგილობრივი ბიზნესმენებისათვის ბათუმის ოფისის პრეზენტაცია გამართა.
პრეზენტაციაზე ესწრებოდნენ ცენტრალური და ადგილობრივი მთავრობის წარმომადგენლები, აჭარაში ლოკალიზებული ბიზნესების წარმომადგენლები და ჟურნალისტები.
სწრაფად განვითარებადმა ბიზნეს გარემომ და მზარდმა ინვესტიციებმა თავისთავად გამოიწვია იმ სერვისების ადგილზე მიღების აუცილებლობა, რომელსაც კომპანია BDO თავის მომხმარებელს სთავაზობს, აქედან გამომდინარე კომპანიის ხელმძღვანელობამ მიიღო გადაწყვეტილება ბათუმში გაეხსნა ოფისი.
პრეზენტაციაზე ადგილობრივი ბიზნესების წარმომადგენლებს და დამსწრე საზოგადოებას საშუალება მიეცა მიეღოთ ინფორმაცია იმ სერვისების შესახებ, რომლით სარგებლობა ამიერიდან უკვე აჭარის რეგიონში იქნება შესაძლებელი.
BDO-ს ბათუმის ოფისი აჭარის რეგიონში არსებული ბიზნესებისათვის საერთაშორისო კომპანიის მომსახურებას ხელმისაწვდომს გახდის. ბიდიო აჭარის რეგიონში შემდეგი სერვისებით იქნება წარმოდგენილი:
• ბუღალტრული მომსახურების აუთსორსინგი- კომპანიებისთვის, რომლებსაც სურთ ფუნქციები ეფექტურად გადაანაწილონ და დაზოგონ კომპანიის შიდა რესურსი.
• ალტერნატიული საგადასახადო შემოწმება- აჭარის რეგიონში მდებარე მსხვილი კომპანიებისთვის, რომლებსაც სურთ ადგილზე ისარგებლონ A კატეგორიის აუდიტორული კომპანიის მომსახურებით.
• საგადასახადო მომსახურება- კომპანიებისთვის, რომლებსაც სურთ ადგილზე საგადასახადო ორგანოების წინაშე საკუთარი ინტერესების დაცვა და მრავალფეროვანი საგადასახადო კოსულტაციების მიღება.
• აუდიტი და მარწმუნებელი მომსახურება- მენეჯმენტისა და ინვესტორებისათვის, რომლებსაც სურთ მიიღონ სანდო და ამომწურავი ინფორმაცია კომპანიის ფინანსური მდგომარეობის შესახებ.
• პროექტის ეკონომიკური დასაბუთება (Feasibility Study)- კომპანიებისთვის, რომლებსაც სჭირდებათ პროფესიონალების რჩევების მიღება პროექტის განვითარების შესაძლო სცენარის შესახებ
• იურიდიული მომსახურება- მულტიდისციპლინარული კონსულტაციები იურიდიული საკითხების ფართო სპექტრზე.
როგორც პრეზენტაციაზე BDO-ს მმართველმა პარტნიორმა, ზურაბ ლალაზაშვილმა განაცხადა - "ბოლო ექვსი წლის მანძილზე აჭარაში რეგისტრირებული ბიზნესების რიცხვმა მნიშვნელოვნად იმატა. რეგიონი ბიზნესის განვითარებისათვის საუკეთესო ადგილი გახდა; ბათუმი საქართველოში მოწინავე ქალაქია ბიზნესის განვითარების და უცხოელ და ქართველ ინვესტორთა მიერ განხორციელებული ინვესტიციების კუთხით. მზარდმა ინვესტიციებმა და სწრაფად განვითარებადმა ბიზნეს გარემომ გამოიწვია ბუღალტრული, საგადასახადო, აუდიტორული, იურიდიული და სხვა მომსახურების საჭიროება რეგიონში.
დღეიდან BDO-ს ოფისი ბათუმში, საშუალებას მოგვცემს საერთაშორისო გამოცდილების კომპანიის ხარისხიანი სერვისებით უზრუნველვყოთ ადგილობრივი კომპანიები რეგიონიდან გაუსვლელად."