კონკურენციისა და სახელმწიფო შესყიდვების სააგენტომ კომპანია "სტერეო +" შავ სიაში შეიყვანა. მიზეზად, სააგენტომ როგორც საკუთარ ვებ-გვერდზე განმარტა სახელმწიფო შესყიდვის შესახებ ხელშეკრულებით ნაკისრი ვალდებულებების არასრულად შესრულება დაასახელა.
სააგენტოს მიერ გავრცელებული ინფორმაციით, შპს "სტერეო+" აჭარის მთავრობის საქვეუწყებო დაწესებულება - ტელევიზიისა და რადიომაუწყებლობის დეპარტამენტს სათანადოდ ვერ მოემსახურა.
შეგხსენებთ, რომ კომპანია აჭარის ტელევიზიისთვის თბილისიდან ბათუმში ციფრული სარელეო ქსელით ვიდეომასალების (სიუჟტებისა და ჩართვების) გადმოგორებას უზრუნველყოფდა. აჭარის ტელევიზიამ ტენდერი ამ მომსახურებაზე მიმდინარე წლის იანვარში გამოაცხადა. 90 000 ლარის ღირებულების ტენდერში მხოლოდ "სტერეო+" მონაწილეობდა და შემსყიდველს მომსახურება, გამოცხადებულ 90 000 ლარად შესთავაზა და გაიმარჯვა კიდეც.
მხარეებს შორის90 000 ლარის ღირებულებაზე დადებული ხელშეკრულება, 2013 წლის 1-ელ იანვრამდე მოქმედებდეს, მაგრამ შპს "სტერეო+" შავ სიაში მოხვედრის გამო, ტენდერებში მონაწილეობას ერთი წლის განმავლობაში ვეღარ მიიღებს.