დღეს, სოფლის მეურნეობის მინისტრის მოადგილემ ია ჯანაშიამ სოფლის მეურნეობის სამინისტროს ინიციატივით შექმნილი Facebook-ის ქართული თამაშის - ,,მეღვინეს" I ეტაპის სამ გამარჯვებულს პრიზები გადასცა.
I ადგილზე გასულ ეკატერინე სიხარულიძეს ტურისტული კომპანია ,,TravelShop"-გან სტამბოლში მოგზაურობის 2 კაციანი საგზური გადაეცა.
II ადგილზე გასულ ლევან ცქვიტინიძეს სასტუმრო-კომპლექს ,,შატო მერე"უმანსპინძლებს (2 ადამიანზე).
III ადგილის მფლობელ მიხეილ ბაძაღუას სხვადასხვა სახეობის ქართული ბოთლის ღვინოების ნაკრები გადაეცა.
თამაშის მეორე ეტაპი 22 ივნისს დაიწყო და 22 ივლისს დასრულდება. თამაში ,,მეღვინე" სოფლის მეურნეობის სამინისტროს ინიციატივით და კომპანიების - ,,ალდაგი ბისიაის", ,,ჯი პი აი ჰოლდინგის" , ,,იმედი ელის", ,,საქართველოს ბანკის", ,,თიბისი ბანკის", ,,ლიბერთი ბანკის" და ,,საქართველოს სოფლის მეურნეობის კორპორაციის" მხარდაჭერით შეიქმნა. თამაში 21 მაისს დაიწყო და უკვე 20 000-ზე მეტი მონაწილე ჰყავს. სოფლის მეურნეობის მინისტრის ინიციატივით, სამი თვის განმავლობაში ონლაინ თამაშს შეჯიბრის სახე ექნება, 3 ეტაპად გაგრძელდება და თითოეული ეტაპის გამარჯვებულები სპეციალური პრიზებით დაჯილდოვდებიან. ,,მეღვინე" მიზნად ისახავს საქართველოში მეღვინეობისა და ქართული უნიკალური ვაზის ჯიშების პოპულარიზაციას.
