გაეროს გენერალურმა მდივანმა პან გი მუნმა გაეროს გენერალურ ასამბლეას განსახილველად გაუგზავნა ანგარიში "აფხაზეთიდან, საქართველო და ცხინვალის რეგიონიდან/სამხრეთ ოსეთიდან, საქართველო" იძულებით გადაადგილებულ პირთა მდგომარეობის შესახებ". გაეროს ახალი ამბების ცენტრის ინფორმაციით, დოკუმენტში მითითებულია, რომ 100 ათასზე მეტი ადამიანი, რომელიც იძულებით გადაადგილებულ მდგომარეობაში იმყოფებოდა 2008 წლის აგვისტოს შემდეგ საკუთარ სახლებში დაბრუნდა.
საქართველოს ხელისუფლების მონაცემებით, 2012 წლის მარტის ბოლოს არსებული მდგომარეობით, ქვეყანაში 265 ათას 295 იძულებით გადაადგილებული პირი იმყოფებოდა. 2010 წლის ბოლოს კი ასეთი 256 ათას 528 ადამიანი იყო.
იძულებით გადაადგილებული პირების რაოდენობის ზრდა ძირითადად შობადობითაა განპირობებული, იძულებით გადაადგილებული პირების მიერ მესამე ქვეყნებიდან საქართველოში დაბრუნებით და არადროული რეგისტრაციით.
ანგარიშში აღნიშნულია, რომ შიდა იძულებით გადაადგილებული პირების რაოდენობაში შედის 242 ათას 592 ადამიანი, რომელიც იძულებით გადაადგილებულ პირად ადრე მომხდარი კონფლიქტების გამო იქცა, ასევე 18 ათას 789 ადამიანი, რომელიც იძულებით გადაადგილებულ პირად 2008 წლის აგვისტოს კონფლიქტის შემდეგ იქცა და ასევე 3 ათას 914 ადამიანი, რომლებიც ორგზის იძულებით გადაადგილებული პირები იყვნენ.
მთლიანობაში გაეროს გენერალური მდივნის მიერ გაგზავნილი ანგარიში 2011 წლის 1 აპრილიდან 2012 წლის 30 მარტამდე პერიოდს მოიცავს და გაეროს რიგიდაწსებულებებიდან მიღბულ ინფორმაციას ეფუძნება. აღსანიშნავია, ასევე, რომ ამ ინფორმაციას აფხაზური მედიაც ავრცელებს.
