"დარწმუნებული ვარ, ქუთაისზე შთამბეჭდავი დღეს იქნება ოზურგეთის შეხვედრა", _ განაცხადა ჟურნალისტებთან ,,ქართული ოცნების" ერთ-ერთმა ლიდერმა ეკა ბესელიამ ოზურგეთში დაგეგმილი აქციის კომენტირებისას. Mმისი თქმით, ხალხი ცვლილებების მოლოდინშია.
,,დღეს ძალიან ბევრი ადამიანი მოვა ბიძინა ივანიშვილთან და კოალიციის სხვა ლიდერებთან შესახვედრად. მთელი ამ დღეების განმავლობაში, როცა ჩვენ დავდიოდით და მოსახლეობას ვხვდებოდით, გურია განსაკუთრებით ელოდება ,,ქართული ოცნების" ლიდერს ბიძინა ივანიშვილს", - განაცხადა ბესელიამ.
მისი თქმით, ხალხი ხელისუფლებაში ახალი პოლიტიკური ძალის მოსვლას ელოდება.
,,ხალხი ელოდება ახალ პოლიტიკურ ძალას ხელისუფლებაში მოსასვლელად და ელოდება ცვლილებებს. Eეს იგრძნობა ამ შეხვედრების დროს. დღეს თქვენ ნახავთ, ძალიან დიდ მხარდაჭერას გურიის მოსახლეობის მხრიდან და დარწმუნებული ვარ, ქუთაისზე შთამბეჭდავი იქნება დღეს ოზურგეთის შევედრა", _ განაცხადა ეკა ბესელიამ
შეგახსენებთ, რომ "ქართული ოცნების" წარმომადგენლებმა ალექსანდრე წუწუნავას თეატრის მიმდებარე ტერიტორიაზე სცენის მონტაჟი უკვე დაასრულეს და ,,ქართული ოცნების" მხარდამჭერები ოზურგეთში უკვე იკრიბებიან.
