მოსახლეობისთვის უწყვეტი წყალმომარაგების უზრუნველყოფის მიზნით, თბილისში წყლის სისტემების რეაბილიტაცია მიმდინარეობს, რაც თბილისელების 24-საათიან, შეუფერხებელ წყალმომარაგებას უზრუნველყოფს. წყლის სისტემის სარეაბილიტაციო სამუშაოები ქალაქის ყველა უბანში, 150 ქუჩაზე მიმდინარეობს.
პროექტის ფარგლებში, კომპანია „ჯორჯიან უოთერ ენდ ფაუერმა" თბილისის სხვადასხვა რაიონში არსებული ამორტიზირებული წყალსადენისა და წყალარინების ქსელები ახლი სისტემით შეცვალა. ცისკრის ქუჩაზე კაპიტალურად იცვლება 650 მეტრიანი წყლის სისტემა, რეაბილიტაცია უტარდება ქუჩის, როგორც მაგისტრალურ ქსელებსა და მის განშტოებებს, ასევე საკანალიზაციო ქსელსაც. ქუჩაზე მონტაჟდება ახალი ურდულები, ეწყობა წყალსადენისა და საკანალიზაციო ჭები. წყლის სისტემების რეაბილიტაცის დასრულების შემდეგ, შემცირდება დანაკარგები და ავარიული დაზიანებების რაოდენობა, რაც დედაქალაქის უწყვეტ წყალმომარაგებას შეუწყობს ხელს. ძველი თბილისის რაიონში მიმდინარე სამუშაოები, დღეს თბილისის მერმა გიგი უგულავამ და კომპანია „ჯორჯიან უოთერ ენდ ფაუერის" გენერალურმა დირექტორმა იორგ მათისმა ადგილზე დაათვალიერეს. იქვე თბილისის მერი ადგილობრივ მოსახლეობას შეხვდა, მათი პრობლემები მოისმინა და ქალაქში მიმდინარე პროგრამებსა და პროექტებზე ისაუბრა.
