"საქართველოს ისტორიის ოთხტომეულში" საძიებელი და ბიბლიოგრაფია არ არის.
როგორც "ჯი-ეიჩ-ენს" კოლხურ-იბერიული ცენტრის, "აია კოლხეთის" დამფუძნებელმა რაულ გვეტაძემ განუცხადა, "ეს ოთხტომეული არ იქნება სრულყოფილი, სანამ სრულად არ იქნება შეტანილი ინფორმაცია საქართველოში ნაპოვნ ყველა წარწერასა და ძეგლზე".
მისი თქმით, არ შეიძლება ისტორიკოსმა გამოუშვას ოთხი ტომი, რომელშიც არ იქნება საძიებელი და ბიბლიოგრაფია. "ისტორია გაგიგიათ ქრონოლოგიის გარეშე? ამ დღეებში ვხვდები წიგნის ავტორებს და ვაპირებ ჩემი კონკრეტული შესწორებები შევიტანო", - განაცხადა გვეტაძემ.
წიგნი "საქართველოს ისტორიის ოთხტომეული" გამომცემლობა "კვირის პალიტრამ" გამოსცა. ოთხტომეულის ავტორები არიან მარიამ ლორთქიფანიძე, ოთარ ჯაფარიძე, დავით მესხელიშვილი და როინ მეტრეველი. წიგნში საუბარია უძველესი დროიდან კომუნისტური რეჟიმის დამხობამდე.
