ბათუმის შოთა რუსთაველის უნივერსიტეტის სააქტო დარბაზში განათლების სფეროში აჭარის მთავრობის მიერ დაფინანსებული მიმდინარე და ახალი პროგრამების პრეზენტაცია გაიმართა. შეხვერდას სტუდენტები, ლექტორ-მასწავლებლები, აჭარის მთავრობის თავმჯდომარე, ლევან ვარშალომიძე და აჭარის განათლების, კულტურისა და სპორტის მინისტრი, გია აბულაძე დაესწრნენ.
გაიმართა ორი ახალი მიზნობრივი პროგრამის პრეზენტაცია, რომელიც ითვალისწინებს უმაღლეს სასწავლებლებში ჩარიცხული სტუდენტების სწავლის საფასურის დაფარვას. იგი გათვლილია სოციალურად დაუცველი, უდედმამო და მაღალმთიან აჭარაში მცხოვრები სტუდენტებისთვის, რომლებიც სწავლის საფასურის გადახდას ვერ ახერხებენ. ასევე, სტუდენტებმა მიიღეს ტურიზმის განათლების განვითარების ხელშეწყობის პროგრამის შესახებ დეტალური ინფორმაცია. იგი ქობულეთის პროფესიული სასწავლებლის ბაზაზე იმოქმდებს და ხელს შეუწყობს აჭარაში ტურიზმის განვითარებას.
"სტუდენტებთან შეხევდრის მთავრი მიზანია, მივაწოდოთ დეტალური ინფორმაცია აჭარის მთავრობის მიერ დაფინანსებული პროგრამების შესახებ. თითოეული მიზნობრივი პროგრამა იქმნება იმისთვის, რომ ნებისმიერ ახალგაზრდას ჰქონდეს განათლების მიღების საშუალება, როგორც საქართველოში, ასევე საზგვარგარეთ", - განაცხადა ლევან ვარშალომიძემ.
აჭარის მთავრობის დაფინანსებით, 2006 წლიდან ხორციელდება უცხოეთში სტაჟირების, უცხოენათა სწავლების უფასო კურსები და სოციალურად დაუცველი სტუდენტების დაფინანსების მიზნობრივი პროგრამები.
