თბილისის დამწვრობის ცენტრში 75 წლის ქალბატონი მოათავსეს. პაციენტი ადუღებული წყლის გადასხმის შედეგად დაიწვა.
მას თერმული დამწვრობა გულმკერდისა და მუცლის არეში აღენიშნება და სხეულის 25% აქვს დამწვარი.
კატასტროფის ბრიგადებმა იგი გარდაბნის რაიონული საავადმყოფოდან გადმოიყვანეს.
დაზარალებული ქალბატონი ამ დრომდე რეანიმაციის განყოფილებაში რჩება და შესაბამისი მკურნალობის კურსს გადის.
გავრცელებული ინფორმაციით, პაციენტის მდგომარეობა უკიდურესად მძიმეა.
