ფრანგმა სამართალდამცავებმა, ინტერპოლისა და ევროპოლის მხარდაჭერით, მასშტაბური სპეცოპერაცია ჩაატარეს. სპეცოპერაციის შედეგად, დაკავებულია 21 ადამიანი.
ინტერპოლის მიერ გავრცელებული ინფორმაციით, დაკავებულთა დიდი ნაწილი საქართველოს და სომხეთის მოქალაქეა.
გავრცელებული ინფორმაციით, კრიმინალური დაჯგუფება ლიმოჟში, მთელს ჩრდილოეთ საფრანგეთსა და ბელგიაში მოქმედებდა.
კრიმინალები ძირითადად სახლებს ძარცვავდნენ
გავრცელებული ცნობით, ჯგუფი 300-ზე მეტ ძარცვაშია ეჭვმიტანილი.
ინტერპოლის ინფორმაციით, სპეცოპერაცია ამ დრომდე გრძელდება.
