ადვოკატთა ასოცოაციის თავმჯდომარე, ზაზა ხატიაშვილი ასოციაციის ყოფილ თავმჯდომარეს, კახა ასლანიშვილს ფინანსურ მაქინაციებში და თანხების არამიზნობრივ განკარგვაში ადანაშაულებს.
როგორც "ჯი-ეიჩ-ენს" ზაზა ხატიაშვილმა განუცხადა, კახა ასლანიშვილმა ხელფასის სახით 52 ათასი ლარი მანამდე აიღო, ვიდრე ადვოკართა ასოციაციის თავმჯდომარედ დაინიშნებოდა.
ხატიაშვილის განცხადებით, მას ბუღალტერი არ აძლევს შესაძლებლობას, ნახოს ელექრტონული ჟურნალი, სადაც ასოციაციის ბრუნვაა აღრიცხული.
ზაზა ხატიაშვილი მიმართავს სამართალდამცველებს და კახა ასლანიშვილის საქმის შესწავლას მოითხოვს.
"ამ ადამიანმა 52 ათასი ლარი უკანონოდ მიიღო. ბუღალტერი არ გვაძლევს შესაძლებლობას, რომ ვნახოთ ელექტრონული ჟურნალი, რომელიც ასოციაციის საკუთრებაა და სადაც ასოციაციის ბრუნვაა აღნუსხული. ამიტომ, მე იძულებული ვარ, მივმართო სამართალდამცველებს, შემოვიყვანო აუდიტი და მოვითხოვო ექსპერტიზის ჩატარება", _ განუცხადა "ჯი-ეიჩ-ენს" ზაზა ხატიაშვილმა.
