"ავერსის კლინიკაში" ეწყობა პრესკონფერენცია, რომელიც "კიდურების შემანარჩუნებელი ცენტრის" შექმნას ეხება.
ქვემო კიდურების ამპუტაციების სიხშირე მაინც მაღალი რჩება მიუხედავად მედიცინის თანამედროვე მიღწევებისა. ამპუტაციების ძირითად მიზეზს წარმოადგენს სისხლძარღვოვანი, ონკოლოგიური და ორთოპედიული დაავადებები. ავერსის კლინიკაში შეიქმნა "კიდურების შემანარჩუნებელი ცენტრი", რომლის მიზანია ქირურგიული და თერაპიული პროფილის ექიმების კოორდინირებული მუშაობის შედეგად პრობლემის დროული გამოვლენა, მკურნალობა და, შესაბამისად, კიდურების ამპუტაციის საჭიროების თავიდან აცილება.
კონფერენციაზე ასევე განხილული იქნება შემდეგი თემები, როგორიცაა: გლიკემიისა და დისლიპიდემიის მნიშვნელობა დიაბეტური ტერფის პროფილაქტიკაში, წვივის არტერიების ბალონირება ამპუტაციის თავიდან აცილების მიზნით. ასევე ნაჩვენები იქნება კიდურების შემანარჩუნებელი უნიკალური ოპერაციები.
ავერსის კლინიკა არის ნოვატორი, რომელიც ქმნის ასეთ უნიკალურ ცენტრს, სადაც მოხდება კიდურის ამპუტაციის საჭიროების თავიდან აცილება.
კონფერენციას დაესწრება შრომის ჯანმრთელობისა და სოციალური დაცვის მინისტრი ზურაბ ჭიაბერაშვილი, ავერსის დამფუძნებელი პაატა კურტანიძე და ავერსის კლინიკის გენერალური დირექტორი დიმიტრი ჯორბენაძე.
