პაკისტანი ბირთვული იარაღის გადამტანუნარიანი რაკეტებით ცდებს ახორციელებს. პაკისტანმა განაცხადა, რომ მოკლე მანძილებზე ბირთვული იარაღის გადამტანუნარიანი ბალისტიკური რაკეტების გამოცდა წარმატებით დასრულდა.
სამხედრო უწყების განცხადებით, Hatf IX-ს მოქმედების სპექტრი 60 კილომეტრს (37 მილი) აღწევს და ჩვეულებრივი საბრძოლო ქობინების გადატანა შეუძლია. "ეს მოკლე მანძილებზე სწრაფი რეაგირების სისტემაა, რომელიც შესაძლო საშიშროებების შეკავებაზეა ორიენტირებული", - ნათქვამია განცხადებაში.
პაკისტანის მხრიდან ეს უკვე ბალისტიკური რაკეტის მესამე ცდაა, მას შემდეგ, რაც მისმა "დაუძინებელმა მეტოქემ", ინდოეთმა, გასულ თვეს Agni V-ის წამრატებული გაშვება განახორციელა, რომლის მოქმედების სპექტრი ჩინეთის ნებისმიერ წერტილში ვრცელდება.
თავდაცვის სფეროს ანალიტიკოსები აცხადებენ, რომ ინდოეთის სტრატეგიული პრიორიტეტები ფოკუსირებულია ჩინეთზე და არა პაკისტანზე, თუმცა პაკისტანი თავისი აღმოსავლეთ მეზობლის მიმართ ყურადღებას არ ადუნებს.
