პარლამენტის თავმჯდომარე დავით ბაქრაძე, აშშ-ს სახელმწიფო მდივნის ჰილარი კლინტონისა და კოალიცია "ქართული ოცნების" ლიდერის ბიძინა ივანიშვილის შესაძლო შეხვედრაზე, ინფორმაციას არ ფლობს. მისი თქმით, ვიზიტის პროგრამა ჯერ საბოლოოდ დაზუსტებული არ არის.
ბაქრაძე ჰილარი კლინტონის ვიზიტს, ძალიან მნიშვნელოვანს უწოდებს, როგორც მან ჟურნალისტებთან აღნიშნა, ეს ვიზიტი, საქართველოსა და აშშ-ს შორის თანამშრომლობის არა მხოლოდ გაგრძელების, არამედ გაღრმავების დასტურია.
პარლამენტის თავმჯდომარის განცხადებით, ჰილარი კლინტონის მთვარი ამოცანაა, საქართველოში, საქართველოსა და აშშ-ს შორის არსებული სტრატეგიული ქარტიის ფარგლებში ჩამოვიდეს. იგი ქარტიის ფარგლებში შექმნილი სამუშაო ჯგუფების მონაწილეობაში მიიღებს მონაწილეობას და საქართველოს პრეზიდენტ მიხეილ სააკაშვილს შეხვდება.
,,ბოლო წლებში მაღალი დონის ვიზიტების ასეთი რაოდენობა იმის მანიშნებელია, რომ ქართულ-ამერიკული ურთიერთობის დინამიკა დადებითია, აშშ კი საქართველოს მთავარ მოკავშირედ და მისი თავისუფლების და უსაფრთხოების მთავარ გარანტად რჩება,, - აღნიშნა პარლამენტის თავმჯდომარემ.
ამერიკის სახელმწიფო დეპარტამენტის ოფიციალური ვებგვერდის ინფორმაციით, სახელმწიფო მდივანი საქართველოში სომხეთიდან ჩამოვა. კლინტონი 5 ივნისს ბათუმში, აშშ-საქართველოს სტრატეგიული პარტნიორობის კომისიის პლენარულ სესიას გახსნის.
სახელმწიფო დეპარტამენტის ინფორმაციით, საქართველოში ვიზიტის ფარგლებში ჰილარი კლინტონი შეხვდება საქართველოს პრეზიდენტს მიხეილ სააკაშვილს, პოლიტიკოსების ფართო წრეს და სამოქალაქო საზოგადოების წარმომადგენლებს.
ჰილარი კლინტონი საქართველოდან 6 ივნისს აზერბაიჯანში გაემგზავრება
