საქართველოში მსოფლიო დონის კვლევითი ლაბარატორია ამოქმედდა. ვარძიის ზუსტი დიაგნოსტიკის მიზნით, ახალი სარადარო სისტემა კლდის უნიკალური არქტიტექტურული კომპლექსის ტერიტორიაზე უკვე დამონტაჟებულია.
კულტურული მემკვიდრეობის დაცვის ეროვნული სააგენტოს ნახევარმილიონიანი პროექტი ვარძიის გადარჩენის ემსახურება. მსგავსი ნანოტექნოლოგიური დიაგნოსტიკა, ერთი მხრივ, ხანდაზმული ძეგლების უზუსტესს კვლევას გულისხმობს და, მეორე მხრივ, კიდევ ერთხელ ცხადყოფს ქვეყნის პრიორიტეტსა და დამოკიდებულებას ძეგლთა დაცვისა და გადარჩენის სფეროში.
ახალი სარადრო სისტემის მონტაჟისა და ქართველი კოლეგების ტრენინგისთვის საქართველოში იტალიის გარემოს დაცვის სამინისტროს სამეცნიერო საბჭოს პრეზიდენტი კლაუდიო მარგოდინი კოლეგებთან ერთად ჩამოვიდა და ვარძიაში 24-საათიან რეჟიმში მუშაობს. ფლორენციიდან სპეცილურად ჩამოსული გეოლოგები და სარადარო სისტემის ტექნოლოგები - ანჯელო ბენედიტი, ალბერტო სომესა და დანიელე სპიციკინო ქართველ კოლეგებთან ერთად, ვარძიას ლაბორატორიულ სამუშაოს უკვე ადგილზე აწარმოებენ.
ზემოგრძნობიარე რადარი 2 მმ-ის სიზუსტით დააფიქსირებს ვარძიის ნებისმიერი სახის დეფორმაციას, ბზარების დინამიკას, შიდა მოძრაობასა და კლდოვან მასათა გადაადგილებას. შესაბამისად, შესაძლებელი გახდება ძეგლის დაზიანებული ადგილების ზუსტი საკონსერვაციო მეთოდოლოგიის განსაზღვრა და განხორციელება.
ყოველი განახლებული ინფორაცია, რომელსაც რადარი დააფიქსირებს, ვარძიის ცენტრალური ლაბორატორიიდან თბილისისა და რომის მონაცემთა ბაზაში გაკონტროლდება.
