ბიძინა ივანიშვილმა, შესაძლოა, საპარლამენტო არჩევნებში მონაწილეობა არ მიიღოს, - ამის შესახებ ნათქვამია კოალციაი "ქართული ცონების" ლიდერის ბიძინა ივანიშვილის მიერ საქართველოს პრეზიდენტისთვის გაგზავნილ
ღია წერილში.
ბიძინა ივანიშვილი მიხეილ სააკაშილს მოუწოდებს ხელი არ მოაწერს საკონსტიტუციო ცვლილებებს. ივანიშვილის 7-პუნქტიან მიმართვაში ნათქვამია, რომ საკონსიტიცუაი ცვლილებები აბსურდულია.
"აღნიშნული კონსტიტუციური ცვლილება არის სახელმწიფოებრიობის და კონსტიტუციონალიზმის ფუნდამენტური პრინციპების საწინააღმდეგო ისეთი ქმედება, რომლის პრეცედენტიც მსოფლიოში არ მოიპოვება. მეტიც, იგი თავისი სამართლებრივი არსით და პოლიტიკური კონტექსტით სახელმწიფო გადატრიალების ტოლფასია", - ნათქვამია მიმართვაში.
ამასთან, ივანიშვილი ხაზგასმით აღნიშნავს, რომ თუ პრეზიდენტი ხელს მოაწერს საკონსტიტუციო ცვლილებებს, არ ისარეგბელბს ამ ცვლილებებით და საპარლამენტო არჩევნებში მონაწილეობას არ მიიღებს.
"თუ არ გაითვალისწინებთ ჩემს რჩევას და უარს არ იტყვით კონსტიტუციურ ცვლილებებზე, მაშინ მე: არ გავხდები ანტისახელმწიფოებრივი ქმედების თანამონაწილე, არ ვისარგებლებ აღნიშნული კონსტიტუციური ცვლილებებით და არ მივიღებ მონაწილეობას საპარლამენტო არჩევნებში", - ნათქვამია პრეზიდენტისადმი გაგზავნილ ღია წერილში.
შეგახსენებთ, რომ საქართველოს პარლამენტმა დღეს, 22 მაისს მიიღო საკონსიტუციო ცვლილებები, რომლის თანახმად, 2014 წლის 1 იანვრამდე საპარლამენტო და საპრეზიდენტო არჩევნებში მონაწილეობის და ხმის მიცემის უფლება საქართველოს მოქალაქეებთან ერთად, შესაბამისი ასაკიდან ასევე ექნებათ პირებს, რომლებიც დაბადებულნი არიან და ბოლო 5 წელი მუდმივად ცხოვრობენ საქართველოში და აქვთ ევროკავშიის წევრი სახელმწიფოს მოქალაქეობა.
აღნიშნულ პირებზე არ გავრცელდება კონსტიტუციიის 29-ე მუხლის 1 პრიმა მუხლით გათვალისწინებული შეზღუდვები, რომლის მიხედვით, მოქალაქეს, რომელიც იმავდროულად უცხო ქვეყნის მოქალაქეა, არ შეუძლია გახდეს პრეზიდენტი, პარლამენტის თავმjდომარე და პრემიერ-მინისტრი.
ამასთან, პროექტით, სადეპუტატო ასაკის ცენზიც იცვლება და ის 25-იდან 21 წლამდე ჩამოდის.
მმართველი გუნდი ღიად აცხადებს, რომ აღნიშნული საკონსტიტუციო ცვლილებები ბიძინა ივანიშვილის გამო განხორციელდა.