დღეს, 20 მაისს, 15:00 საათზე „ბუდა-ბარ თბილისიში" თბილისის მოდის კვირეულის საპატიო სტუმრები - უკრაინის მერსედეს ბენც მოდის კვირეულის დამფუძნებელი დარია შაპოვალოვა, მისი ფოტოგრაფი და პარიზის „ლეკრერერის" არტ-დირექტორი ამინ ამჯარეში, მოქმედ ქართველ დიზაინერებს შეხვდებიან. არაფორმალურ ვითარებაში შეხვედრა ხელს შეუწყობს დიზაინერების და უცხოელი სტუმრების კონტაქტების დამყარებას.
19:00 საათზე, უკვე „ბუდა-ბარ თბილისის" მიმდებარე ტერიოტირიაზე თბილსის მოდის კვირეულის ამ სეზონის ბოლო საღამო დაიწყება ქეთი ჩხიკვაძის კოლექციის ჩვენებით. 20:00 საათზე პოდიუმზე ქართველი მოდელები ბიბი ბახტაძის კოლექციას წარმოადგენენ. გერმანიაში მცხოვრები და მოღვაწე, წარმოშობით ქართველი დიზაინერი, ძალიან დიდი პოპულარობით სარგებლობს - მის ტანსაცმელში გამოწყობილი არაერთი გერმანელი „სელებრითია" აღბეჭდილი ევროპის ჟურნალების გარეკანზე. მისი კოლექციის ჩვენებას ქართველი მაყურებელი პირველად იხილავს თბილისის მოდის კვირეულის ფარგლებში.
22:00 საათზე, ბანკი „რესპუბლიკა" - ჯგუფი სოსიეტე ჟენერალი წარმოადგენს დათუნა სულიკაშვილის კოლექციის ჩვენებას, რომელიც საზოგადოებრივი მაუწყებელის მესამე პავილიონში გაიმართება. ჩვენების შემდეგ, სეზონის ბოლო After Party კლუბ UNIQUE-ში გაიმართება.
თბილისის მოდის კვირეულის გენერალური სპონსორია კომპანია „ეკო ფუდი", რომელიც ასევე მოდელების ჯანსაღ კვებაზეზრუნავს. მოდის კვირეულს კიდევ ერთი ახალი პარტნიორი ჰყავს, კომპანია „ლორეალ პროფესიონალი", რომელიც მსოფლიო მოდის კვირეულების „ბექსთეიჯში" მუშაობს, უზრუნველჰყობს უმაღლესი ხარისხის თმის ვარცხნილობას და მაკიაჟს. ამ საერთაშორისო სტანტარტს ამ სეზონიდან თბილისის მოდის კვირეულიც აკმაყოფილებს.
თბილისის მოდის კვირეული ყველაზე კრეატიური და ინოვაციური ღონისძიებაა საქართველოს მოდის კალენდარში, რომლის ფარგლებშიც პროფესიონალ თუ დამწყებ დიზაინერებს, მოდელებსა თუ ამ სფეროს სხვა წარმომადგენლებს, ეძლევათ შანსი წარმოაჩინონ საკუთარი თავი და შესაძლებლობები.
პარტნიორები - "ჯორჯიან ივენტსი", სამოდელო სააგენტო „ჯეომოდელსი", ჟურნალი „ამარტა", „გაბუნია და პარტიორები", „ბრენდინგ.ჯი".
ღონისძიებას წარმოგიდგენთ - „ბანკი რესპუბლიკა" ჯგუფი „სოსიეტე ჟენერალი".
გენერალური სპონსორი - „ეკო ფუდი".
სპონსორები: „ლორეალ პროფესიონალი", „ლიგ სტუდიო", „თბილისი მარიოტი", „კალა ჯგუფი", „ბორჯომის წყაროები", „სარაჯიშვილი", „ჯი-აი-ესი".
მხარდამჭერები: თბილისის მერია, კულტურისა და ძეგლთა დაცვის სამინისტრო, საქართველოს ეროვნული საინვესტიციო სააგენტო, თბილისის სამხატვრო აკადემია.
სტუმრების უსაფრთხოებას უზრუნველყოფს - დაცვის პოლიცია 125.
საინფორმაციო მხარდამჭერები: „PRIME TIME", „Georgia Today", „Music Box", რადიო „ფორტუნა", „Focus.ge", „ახალი არხი", „Style TV".
გენერალური მედია პარტნიორი - "რუსთავი 2".
