დღეს, 20 მაისს ჩიკაგოში ნატოს სამიტი იხსნება. ალიანსის წევრი სახელმწიფოს და პარტნიორი ქვეყნების ლიდერები ჩიკაგოში იკრიბებიან.
ევროპის რაკეტსაწინააღმდეგო სისტემები, ავღანეთი გარდამავალ ეტაპზე და ურთიერთობების გაღრმავება ალიანსსა და პარტნიორ ქვეყნებს შორის - სამი ძირითადი საკითხი, რომელსაც ჩიკაგოში სახელმწიფოს მეთაურები უმაღლეს დონეზე განიხილავენ.
ალიანის გენერალური მდივნის, ანდრეს ფოგ რასმუსენს განცხადებით, წლევანდელი სამიტი ნატოს არსებობის განმავლობაში ყველაზე უფრო წარმომადგენლობითი იქნება.
მასში მონაწილეობას 60-მდე ქვეყნის წარმომადგენელი მიიღებს. "ყველა ისინი შეიკრიბეებიან ერთი მიზნისთვის - მოძებნონ საერთო საფთხეების ერთობლივი გადაწყვეტა", - განაცხადა რასმუსენმა.
"კოსოვოში მშვიდოობის შენარჩუნებაში რვა პარტნიორი გვეხმარება. ჩვენი პარტნიორები ევროპიდან, ახლო აღმოსაველეთიდან და ჩრდილოეთ აფრიკიდან ლიბიაში სასიცოცხლოდ აუცილებელ პოლიტიკურ და სსაოპერაციო მხარდაჭერას გვიწევენ", - აღნიშნა რასმუსენმა.
საქართველო, როგორც ასპირანტი ქვეყანა, ნატოს 28 წევრ სახელმწიფოს წინაშე პირველად წარდგება. სამიტი გაფართოების საკითხს არ განიხილავს, თუმცა წინასწარი შეფასებით, სხვადასხვა კომუნიკეს შემდეგ ჩიკაგოს სამიტზე კიდევ ერთხელ გაჟღერდება, რომ საქართველო-ნატოს ურთიერთობები ახალ ეტაპზე გადავა.
ჩიკაგოში სამიტის გამო შეზღუდულია ტრანსპირტის გადაადგილება. დახურულია ოფისები.
სამიტზე 2200 ჟურნალისტია აკრედიტებული.