ყოველთვიური 100-ლარიანი ფიქსირებული გადასახადი ავტომობილების ტექნიკურ სარემონტო მომსახურების სუბიექტებზეც წესდება. ამასთან დაკავშიერებით ცვლილება მთავრობის „სპეციალური დაბეგვრის რეჟიმების შესახებ" დადგენილებაში შედის.
კერძოდ, ცვლილებებით საგადასახდო განაკვეთი ერთი ავტომობილის მომსახურებისთვის განკუთვნილ ადგილზე, თვეში - 100 ლარი იქნება. თუმცა, იმ შემთხვევაში, თუ ვერ დგინდება, რამდენ ავტომობილს ემსახურება სამუშაო ადგილი, გადასახადის განაკვეთი ყოველ 40კვადრატული მეტრის ფართზე დაანგარიშდება და ამ შემთხვევაშიც გადასახადი თვეში 100 ლარი იქნება.
აღნიშნული ცვლილებები პარლამენტის საფინანსო-საბიუჯეტო კომიტეტის დღევანდელ სხდომაზე განიხილეს.
შეგახსენებთ, რომ მსგავსი საგადასახო დაბეგვრის რეჟიმი, ცოტა ხნის წინ, თონეებზე, სილამაზის სალონებსა და სოლარიუმებზე გავრცელდა.
